![Dünyanın ən əhatəli 4 günlük iş təcrübəsinin nəticələri açıqlanıb](https://index.az/wp-content/uploads/2023/10/20200430-5-Free-Work-From-Home-Apps-During-Quarantine-scaled-1.webp)
Böyük Britaniyada dünyanın ən əhatəli 4 günlük iş sınağında iştirak edən şirkətlərin əksəriyyəti nəticələrdən razıdır.
İndex.az xəbər verir ki, Böyük Britaniyada yerləşən “Autonomy Beyin Mərkəzi”nin 2022-ci ilin iyun-dekabr aylarında təşkil etdiyi araşdırmada ölkədən 61 şirkət iştirak edib.
Nüfuzlu Kembric Universiteti ilə yanaşı, ABŞ-dan Boston Kolleci və Salford Universitetinin də daxil olduğu tədqiqatın nəticələri fevralın 21-də dərc edilib.
Sınaqda iştirak edən 61 şirkətdən 54-ü (89 faiz) 4 günlük iş rejimini davam etdirib, 31-i (51 faiz) isə onu daimi edib. Layihə menecerləri və CEO-ların 55 faizi 4 günlük iş sisteminin şirkətlərinə müsbət təsir etdiyini bildirib.
Bundan əlavə, şirkətlərin yüzdə 50-si bu sistemin işçilərin dövriyyə nisbətini azaltdığını, yüzdə 32-si isə yeni işə qəbul proseslərini yaxşılaşdırdığını bildirib.