![Ötən həftə ucuzlaşan qızıl bu həftə dəyərini qoruyub](https://index.az/wp-content/uploads/2023/09/Gold_Bar_XAU_Precious_Metal_Large.jpg)
Ötən həftəni 0,8%-lik enişlə tamamlayan qızıl qiymətləri, yeni həftədə dəyərini qorumağı bacarıb.
İndex.az xəbər verir ki, qızılın unsiyası bu gün səhər saatlarında 2024 dollara satılıb.
ABŞ-da çərşənbə axşamı açıqlanacaq yanvar ayı inflyasiya məlumatlarının 3,4%-dən 2,9%-ə enəcəyi gözlənilir.
Bu gözlənti isə qızıl qiymətlərinin yeni həftədə də ucuzlaşmasına mane oldu.
Açıqlanacaq məlumatların FED-in hərəkətlərinə təsir edəcəyi gözlənilir.
FED-dən may ayına qədər faiz endirimi gözlənilmir.
Uçot dərəcəsinin endirilməsinin vaxtı ilə bağlı qeyri-müəyyənlik qızıl qiymətlərinin bu il dar bir zolaqda hərəkət etməsinə səbəb olub.