![İtaliya Çinin “Müasir İpək Yolu” layihəsindən geri çəkildi](https://index.az/wp-content/uploads/2023/01/Italy_Rome_flag-1024x680-1.jpg)
Çinin “Müasir İpək Yolu” olaraq xarakterizə edilən “Kəmər və Yol” təşəbbüsünə daxil olan yeganə G7 ölkəsi İtaliya layihədən çıxmaq qərarına gəlib.
İndex.az xəbər verir ki, İtaliyanın 2019-cu ildə daxil olduğu layihədən çıxmaq qərarı Çin rəhbərliyinə rəsmi notada bildirildi.
İlk dəfə “Corriere della Sera” qəzetinin açıqladığı xəbərə görə, 2019-cu ildə imzalanan müqavilənin 2024-cü ilin martında avtomatik olaraq yenilənməsi gözlənilirdi.
Roma administrasiyası müqaviləni yeniləməyərək “sakitcə” ayrılmağın tərəfdarı olsa da, Pekinin rəsmi bildiriş tələb etməsindən sonra geri çəkilmə qərarı dekabrın 3-də çatdırıldı.