![Naftalanda keçirilən aksiyada cəmi 4 müraciət ünvanlandı](https://index.az/wp-content/uploads/2023/12/533f6cbf-1db5-4e3e-be6f-06613c3b3ee6.jpg)
SOCAR-ın “Azəriqaz” İstehsalat Birliyinin “Səyyar qəbul otağı” Naftalan şəhərində təşkil olunub.
İndex.az “Azəriqaz”a istinadən xəbər verir ki, aksiyada 10-a yaxın vətəndaş iştirak etsə də, mikrofon önünə cəmi 4 nəfər çıxıb.
4 abonentdən isə yalnız 1 nəfər qaz təchizatında üzləşdiyi problemi səsləndirib. O da Namiq Qurbanovun həyətyanı sahəsindən keçən qaz xəttinin yerinin dəyişdirilməsi ilə bağlı ünvanladığı müraciət olub. Digər 3 abonent Birliyin operativ fəaliyyətinə görə ölkə başçısına minnətdarlıqlarını ifadə ediblər.
Gəncə RQİİ-nin rəhbər şəxsləri səsləndirilən problem və təklifləri qeydiyyata alıblar.