![Şakir Musayevin şirkətinin 1 milyondan çox vergi borcu üzə çıxdı](https://index.az/wp-content/uploads/2022/07/lizinq_2.jpg)
Xəbər verdiyimiz kimi, “Beynəlxalq Lizinq” QSC Musayev Şakir Musa oğlunu və sədri olduğu “İnter Textile” ASC-ni məhkəməyə verib. İşin mahiyyəti müqavilələrdən əmələ gələn öhdəliklər üzrə mübahisələr və lizinq müqaviləsi üzrə mübahisələridir.
İndex.az 32gun.az-a istinadən xəbər verir ki, məhkəməlik olan “İnter Textile” ASC-nin dövlətə külli miqdarda borcu üzə çıxıb. Belə ki, sözü gedən şirkətin 1 milyon manatdan çox (1232677.92 AZN) vergi borcu yaranıb.
Məlumat üçün bildirək ki, nizamnamə kapitalı 1 milyon 530 min manat (1530434AZN) olan “İnter Textile” ASC- nin qanuni təmsilçi Musayev Şakir Musa oğludur.
“İnter Textile” ASC 20.12.2000 Dövlət qeydiyyatına alınıb.
Məhkməyə müraciət edən tərəf “Beynəlxalq Lizinq” QSC-nin nizamnamə kapitalı 1 milyon 260 min AZN-dir və qanuni təmsilçi Vüqar Bədəlov Şakir oğludur.
Mətbuatda gedən məlumatlara görə, məhkəmə “Inter Textile”nin Azərbaycan Beynəlxalq Bankının sabiq idarə heyətinin sədri Cahangir Hacıyevin biznes-şəbəkəsinə daxil olub. ASC-nin idarə heyətinin sədri Şakir Musayev Cahangir Hacıyevin rəhbərlik etdiyi qruplaşmanın üzvü olub.