Neftimizin qiyməti 123 dollara düşdü

Dünya bazarında “Azeri Light” (CIF) markalı neftin qiyməti azalıb.

İndex.az xəbər verir ki, Azərbaycan neftinin 1 barelə olan qiyməti 3,41 ABŞ dolları və ya 2,6% azalaraq, 123,4 dollar təşkil edib.

Xatırladaq ki, “Azeri Light” neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən “Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25%-dir.