Kəmalə Alıyeva
Sığortaçıların yerli banklarda depozitləri azalsa da, depozitlər ikinci əsas investisiya aləti kimi çıxış etməkdədir.
İndex.az bu barədə Azərbaycan Mərkəzi Bankına istinadən xəbər verir.
Ötən ilin sonu ilə müqayisədə sığorta sektorunun yerli banklarda depozitləri 7% (28 mln. manat) azalaraq 371 mln. manata enib.
Cari ildə pandemiya və karantin qaydalarının yumşaldılması nəticəsində ötən dövr ilə müqayisədə ən yüksək zərərli 3 sinif üzrə sığorta ödənişlərinin artımı müşahidə edilib.
Qeyd edək ki, bu sığorta siniflərindən ikisi könüllü olduğundan tarif siyasəti sığortaçılar tərəfindən sərbəst aparılır. Habelə, avtonəqliyyat vasitəsi sahiblərinin mülki məsuliyyətinin icbari sığortası sinfi üzrə sığorta tariflərinin dövlət tərəfindən tənzimlənməsi (son dəyişiklik 2011-ci ildə həyata keçirilmişdir) və avtomobil bazasının genişlənməsi fonunda zərərlilik 79%-ə çatıb.