Avropada təbii qazın qiyməti 1000 dolları ötdü

Avropa bazarında qazın qiyməti min kubmetr üçün 1000 ABŞ dollarını ötüb.

İndex.az Londonun “ICE Futures” birjasına istinadən xəbər verir ki, Avropanın ən likvid habı olan TTF-də (Niderland) qazın fyuçerslərinin qiyməti günə 970 dollarla başlasa da, sonradan artaraq 1017,9 dollara çatıb. Bu isə ötən günlə müqayisədə 15,9% daha artıqdır.

Xatırladaq ki, ABŞ-da yerləşən “Freeport LNG” zavodunda baş vermiş partlayış səbəbindən müəssisədə işlər azı 3 həftəlik dayandırılıb. Zavod ABŞ-da istifadə edilən sıxılmış təbii qazın, təxminən, 20%-ni emal edir.