DYP-dən sürücülərə – MÜRACİƏT

“Formula Azerbaijan Grand Prix 2022” yarışına hazırlıq dövrü keçirilir. Bununla əlaqədar tədbir keçiriləcək marşrut üzrə yollarda hərəkət istiqamətində zolağların azalması, baryerlərin qoyulması süni sıxlıqların yaranmasına səbəb olur. Hərəkət iştirakçılarımızı səbrli, təmkinli olmağa çağırırıq”.

İndex.az xəbər verir ki, bunu Bakı şəhər DYP-nin əməkdaşı, polis leytenantı Rüstəm Əhmədli deyib.

O, bu tədbirin dövlət əhəmiyyətli bir tədbir olduğunu nəzərə alaraq əvvəlcədən vəziyyətin düzgün dəyərləndirilməsinə vətəndaş həmrəyliyi nümayiş etdirilməsinə görə bütün hərəkət iştirakçılarına, sürücülərə isə anlayışına görə təşəkkür edib:

“Əlavə olaraq bildiririk ki, hazırda paytaxtın “Azneft” dairəsi, eləcə də Neftçilər prospekti boyunca qoyulan baryerlər bu istiqamətdə süni sıxlıq yaşatdığından cənubdan hərəkətdə olan nəqliyyatın istiqamətinin dəyişdirilməsinə səbəb olur. Ona görə də bu istiqamətə doğru hərəkət edən sürücülərə xahiş edirik ki, Lökbatan dairəsindən 3-cü Kənar Dairəvi yolla hərəkət etsinlər”.