Kəmalə Alıyeva
Rusiyadan Finlandiyaya qaz nəqli dayandırılıb.
İndex.az xəbər verir ki, bu barədə Finlandiyanın “Gasgrid Finland” şirkətinin məlumatında deyilir.
Qeyd olunub ki, hazırda ölkənin qaz sistemi sabitdir.
Xatırladaq ki, daha əvvəl “Gazprom Export” şirkəti Finlandiyanın “Gasum” dövlət şirkəti ilə müqavilə üzrə qaz nəqlini mayın 21-dən etibarən dayandırılacağını açıqlamışdı. Buna səbəb Finlandiya tərəfinin aprel ayında nəql edilmiş qaza görə ödəniş etməməsi və rubl ilə ödəniş etməkdən imtina etməsidir.