Kəmalə Alıyeva
“Şuşada birinci yaşayış kompleksinin tikintisi üzərində işlər aparılır”.
İndex.az xəbər verir ki, bunu Azərbaycan Prezidentinin Şuşa rayonunda xüsusi nümayəndəsi Aydın Kərimov Şuşa şəhərində “Münaqişədən sonrakı humanitar gündəliyin inkişafı: mədəni mühitin canlandırılması yolu ilə davamlı inkişaf” mövzusunda keçirilən beynəlxalq konfransın açılışında bildirib.
“Azad olunduğu ilk gündən etibarən Şuşada bərpa işlərinə başlanılıb. Abidələrin çoxu artıq bərpa edilib. Bütün işlər əsas diqqətin mədəniyyət abidələrinin bərpasına ayrıldığı əsas plana uyğun olaraq aparılır”, – o deyib.
A.Kərimov vurğulayıb ki, Şuşada yaşayış kompleksinin tikintisinin tamamlanması məcburi köçkünlərin öz doğma şəhərlərinə qayıtmasına imkan verəcək.