Vinisius Junior: “Bunun 10 qat daha yaxşısını edəcəm”

“Qızıl top”a ən böyük namizəd hesab edilən və mükafatı qazanacağına əmin olan “Real Madrid”in ulduzu Vinisius Junior mükafat verildiyi gün (28 oktyabr bazar ertəsi) böyük şok yaşadı.

İndex.az xəbər verir ki, “Qızıl top” mükafatını almadan bir müddət əvvəl Rodrinin mükafatı alacağı iddia edilmişdi və bu iddia reallaşdı və ispan ulduz builki mükafatın sahibi oldu.

“Qızıl top”a görə çox məyus olan Vinisius açıqlama verib: “Lazım olsa bu performansın 10 qat daha yaxşısını edəcəm. Amma onlar buna hazır deyillər”.

Digər tərəfdən, Vinisiusa yaxın mənbələrin “Reuters”ə verdiyi məlumata görə, ulduz futbolçu mükafatı qazanmamasının səbəbi olaraq irqçiliklə mübarizəsini görür. Bununla belə, Vinisiusun irqçiliyə qarşı mübarizəsini davam etdirəcəyi bildirilib.