Kəmalə Alıyeva
Azərbaycanda fəaliyyət göstərən 26 bankdan 4-nün bu il apelin 1-nə aktivləri illik müqayisədə az olub.
İndex.az xəbər verir ki, bunlar “Premium Bank” və “Azərbaycan Sənaye Bankı” ASC-lər, İran və Pakistan Milli Banklarının Bakı filiallarıdır.
Ən çox azalma İran bankında (11,5%), ən az azalma isə “Premium Bank”da (2,3%) qeydə alınıb.
Qalan 22 bankın aktivləri artıb. Ən yüksək dinamika “Yelo Bank” ASC-də (69%), ən aşağı dinamika isə “AFB Bank” ASC-də (0,1%) qeydə alınıb.
Azərbaycanda 4 bankın aktivləri 2 milyard manatdan çoxdur
Azərbaycanda fəaliyyət göstərən 26 bankdan 4-nün bu il aprelin 1-nə aktivləri 2 milyard manatdan çox olub.
Bunlar “Azərbaycan Beynəlxalq Bankı” (11 649,88 milyon manat), “PAŞA Bank” (7 125,45 milyon manat), “Kapital Bank” (6 934,685 milyon manat) və “Xalq Bank” (2 387,519 milyon manat) ASC-lərdir.
Qalan 22 bankdan 2-də aktivlər 1-2 milyard manat arasında, 8 bankda 500 milyon manatdan 1 milyard manata qədər, 10 bankda 100-500 milyon manat arasında, 2 bankda isə 100 milyon manatdan azdır.
Mənbə – Renkinq