FED-in bu il uçot dərəcələrini azaldacağına dair göstəricilərin dəstəyi ilə qızıl qiymətləri rekord həddə çatıb.

İndex.az xəbər verir ki, qızıl son 6 seansda təxminən 6% dəyər qazandıqdan sonra bir unsiya üçün 2,161,48 dollara yüksəlib.

Bu artım 2021-ci ilin sonundan bəri gündəlik artımların ən uzun zolağı olacaq.

FED sədri Cerom Pouel borclanma xərclərini azaltmağa başlamağın məqsədəuyğun olacağını söyləyib.

Lakin Pouel mərkəzi bankın inflyasiyanın davamlı olaraq 2%-ə doğru irəlilədiyinə daha çox inam istədiyini söyləyib.