Qızıl qiymətləri yenidən yüksəlişə keçib.

İndex.az xəbər verir ki, ABŞ istiqrazlarının gəlirliliyi və dolların ucuzlaşmasından sonra qızıl qiymətləri yüksəlib.

Hazırda qızılın unsiyası 0,2% artaraq 1923 dollara satılır.

ABŞ Maliyyə Nazirliyinin dünənki istiqraz hərraclarından sonra 2 illik ABŞ istiqrazlarının faizi 5 bənd azalaraq 5%-dən aşağı, 10 illik istiqrazın faizi isə 4,17 faiz-ə düşüb.

Bazarlar bu həftə açıqlanacaq kritik ABŞ məlumatlarına fokuslanıb.