“Tesla”nın bazar dəyəri dünyanın bütün digər avtomobil istehsalçılarının ümumi dəyərinə çatdı

1,4 trilyon dollara yaxınlaşan bazar kapitallaşması ilə “Tesla” qlobal avtomobil sənayesindəki bütün digər böyük şirkətlərin ümumi dəyərinə çatıb.

İndex.az xəbər verir ki, AA müxbirinin bazar dəyəri bir milyard dollardan çox olan 52 avtomobil istehsalçısı haqqında məlumatlardan topladığı məlumata görə, bu şirkətlərin ümumi bazar dəyəri təxminən 2,82 trilyon dollardır.

Siyahıda 1.38 trilyon dollarlıq bazar dəyəri ilə ABŞ-da yerləşən “Tesla” şirkəti qərarlaşıb.

Beləliklə, elektrik avtomobilləri sahəsində qabaqcıl olan “Tesla” bu bazar dəyəri ilə qlobal avtomobil sənayesindəki digər 51 böyük istehsalçının ümumi bazar dəyərinə çatıb.