Araşdırmalar göstərir ki, gündə doqquz saat yarımdan çox oturmaq vaxtından əvvəl ölüm riskini artırır. Bundan əlavə, müntəzəm idmanın erkən ölüm riskini azaltdığı da bildirilib.

İndex.az xəbər verir ki, gün ərzində yüksək aktivlik göstərənlərin vaxtından əvvəl ölümə qarşı 70% daha təhlükəsiz olduğu bildirilib.

Araşdırmada orta yaşları 62 olan 36 min yetkin araşdırıldı. Tədqiqatda iştirak edən böyüklər fəaliyyət səviyyələrinə görə təsnif edildi. İştirakçıların 6%-i 5,8 il ərzində dünyasını dəyişib. Həyatını itirənlər müayinə olunduqda, gün ərzində ən az aktiv olanların sayının gün ərzində aktiv olanların sayından beş dəfə çox olduğu müşahidə edilib.

İştirakçıların dəqiqədə fəaliyyətini ölçmək üçün alimlər insanlara gün ərzində onların fəaliyyətlərinin intensivliyini ölçən geyilə bilən cihazlar veriblər. Fəaliyyət intensivliyi üç qrupa bölündü: yüngül, orta və yüksək. Yüngül fəaliyyətlərə yavaş-yavaş yerimək və ya yemək bişirmək daxildir. Bundan əlavə, orta intensivliyə standart gəzinti, evi süpürmək və ya qazon biçmək, yüksək intensivliyə isə yüngül qaçış və ağır yüklərin daşınması daxildir.

Oslodakı Norveç İdman Elmləri Məktəbindən professor Ulf Ekelundun rəhbərlik etdiyi tədqiqatın hesabatında deyilir: “Bizim tapıntılarımız intensivliyindən asılı olmayaraq, ümumi fiziki fəaliyyətin və daha az oturaq həyatın təsirli olduğunu elmi şəkildə sübut etdi".