FED-in Klivlend üzrə sədri Loretta Mester bir sıra açıqlamalar verib.

İndex.az xəbər verir ki, Mester dünən keçirilən iclasda çıxışı zamanı bildirib ki, inflyasiya FED-in hədəfindən xeyli yuxarı olmasına və ümumi iqtisadiyyata nisbətən güclü qalmasına baxmayaraq, inflyasiyada nəzərəçarpacaq dərəcədə azalma müşahidə olunur:

"İnflyasiyanı 2%-ə endirmək bir qədər vaxt aparacaq. Biz daha bir faiz artımının lazım olub-olmadığına hələ qərar verməmişik”.

Siyasətçilər bu ayın əvvəlində ardıcıl ikinci görüşdə uçot dərəcələrini son 22 ilin ən yüksək həddində saxladılar.

FED-in artıq bu il cəmi bir iclası qalıb və rəsmilər daha çox faiz artımına ehtiyac olub-olmadığını görmək üçün iqtisadi şərtləri qiymətləndirirlər.