Çin "KUN-24AP" adlı nüvə konteyner gəmisi ilə bağlı planlarını açıqlayıb.

İndex.az xəbər verir ki, gəmi 24.000 standart konteyner yük tutumu ilə indiyə qədər inşa edilmiş ən böyük konteyner gəmisi olmağa hazırlaşır.

Gəminin ən mühüm xüsusiyyəti onun hərəkət sistemindədir.

Belə ki, gəmini hərəkət etdirmək üçün Çində bol və sərfəli radioaktiv metal olan toriumla işləyən ən müasir dördüncü nəsil ərimiş duz reaktorundan istifadə ediləcək.

Beləliklə, bu gəmidə ilk dəfə ənənəvi uran reaktorlarından daha təhlükəsiz və səmərəli nüvə hərəkəti sistemi istifadə olunacaq.

Soyutma üçün böyük miqdarda su tələb edən uran reaktorlarından fərqli olaraq, toriuma əsaslanan reaktor yüksək temperaturda və aşağı təzyiqdə işləyə bilir və ərimə riskini azaldır.