"Bank of America" (BoFA) iqtisadçıları 2024-cü ildə ABŞ iqtisadiyyatında mülayim tənəzzüllə bağlı proqnozlarını geri götürdüklərini açıqladılar.

İndex.az xəbər verir ki, "Bank of America" ABŞ-da tənəzzül proqnozlarını ləğv edərək, iqtisadi perspektivlə bağlı artan nikbinliklə tənəzzül proqnozunu geri çevirən ilk "Wall Street" bankı oldu.

Dəyişiklik FED sədri Cerom Pouelin jurnalistlərə FED iqtisadçılarının artıq resessiya proqnozlaşdırmadığını söylədikdən cəmi bir həftə sonra baş verib.

Maykl Qapenin rəhbərlik etdiyi BofA iqtisadçıları yeni proqnozlarını açıqlayarkən, proqnozlarında dəyişikliyin əsas səbəbi kimi son üç ayda daha yaxşı iqtisadi məlumatları, ilk növbədə aşağı işsizlik və qiymət təzyiqlərinin azalmasını göstərdilər.