Kəmalə Alıyeva
İngiltərənin Birmingem Universitetində çalışan alimlər kakao içməyin təsiri ilə bağlı araşdırma aparıblar.
İndex.az xəbər verir ki, cəmi 23 nəfərin iştirakı ilə aparılan bu araşdırma kakao istehlakının müsbət tərəflərini ortaya çıxarıb.
Bu günün ən böyük problemlərindən biri stressdir. Üstəlik, stress keçirəndə biz tez-tez yemək yeyirik və bu yeməklər çox vaxt sağlamlığımız üçün zərərli olan yağlı qidalardır.
Müəyyən edilib ki, kakao içmək əslində yağlı qidaların verdiyi zərərlərə qarşı antidot kimi işləyir. Yağlı qidalar damarların fəaliyyətini müvəqqəti pozduğu halda, kakao içmək əks effekt verdi.
Araşdırma çərçivəsində 23 nəfərə əvvəlcə duzlu kərə yağı və çedar pendiri ilə yağlanmış iki kruvasan və bir stəkan tam süd verildi. Daha sonra iştirakçıların yarısına yüksək miqdarda flavonol olan kakao verildi. İkinci qrupdakı şəxslərə tərkibində aşağı flavonol olan kakao verildi.
Bu mərhələlərdən sonra iştirakçılar riyaziyyatdan imtahan veriblər. Proses tamamlandıqdan sonra eyni təcrübə təkrarlandı, bu dəfə ilk dəfə tərkibində daha az flavonol olan kakao içənlər üçün daha çox kakao, ilk dəfə daha çox flavonollu kakao içənlər üçün isə daha az kakao tətbiq olundu.
Müayinələrdə yağlı yemək və riyaziyyat testindən sonra damarların genişləndiyi müəyyən edilib. Bununla belə, yüksək miqdarda flavonol ehtiva edən kakao istehlak edən şəxslərin damarları çox daha qısa müddətdə normal vəziyyətinə qayıdır. Tərkibində az miqdarda flavonol olan kakao içən şəxslərin damarları da normallaşıb. Ancaq bunun baş verməsi daha uzun çəkdi.