İkardi boşanma prosesində ona kömək edən vəkillə sevgili olub – İDDİA

İtaliyada yayılan xəbərə görə, İkardi Wanda Nara ilə boşanma prosesində ona kömək edən vəkil Anjela Burqosla sevgili olub.

İndex.az xəbər verir ki, İkardi və Wanda arasında daim qalmaqallı münasibətlər olub və bu ilin əvvəlində onlar bir-birlərini aldatmaqda ittiham ediblər. Cütlüyün münasibətlərindən dünyaya gələn iki qızı var.

“Corriere dello Sport”un məlumatına görə, İkardi Kolumbiyada nüfuzlu hüquq firmasının sahibi Burqosla münasibətdədir. Bundan əlavə, o, öz ölkəsində “İnocentes & Culpables” adlı hüquq şousuna ev sahibliyi edir.

Burqos isə iddialara cavab verib: “Mən həmişə kişilərlə işləyirəm, subay qadınam. Hazırda ağlımda heç kim yoxdur. İkardi çox cəlbedici kişidir, çox mədəni, centlmendir, amma mən hal-hazırda başqa şeylər haqqında düşünürəm, mən müştərilərimin kim olduğuna diqqət yetirirəm”.