Kəmalə Alıyeva
Böyük Britaniya bərpa olunan enerjidə əlamətdar bir məqamın şahidi olur. Şimali İrlandiya və Şotlandiyada külək enerjisi ilə istehsal olunan elektrik enerjisində rekord artım ölkə daxilində elektrik enerjisinin qiymətlərinin sıfırın altına düşməsinə səbəb olub.
İndex.az xəbər verir ki, küləkdən əldə edilən rekord elektrik enerjisi ölkənin elektrik enerjisinə olan tələbatının yarıdan çoxunu təmin edirdi.
Milli sistem operatorunun məlumatlarına görə, keçən həftə külək enerjisi istehsalı 22,4 giqavat (GW) ilə tarixi zirvəyə çatdı. Bu miqdar əvvəlki rekord hasilatı üstələyib və ölkə üzrə elektrik enerjisinə olan tələbatın 68 faizdən çoxunu ödəyib.
Məlumatlara görə, saat 05:30-06:30 arasında meqavat/saat qiymətləri mənfi 6,57 funt-sterlinqə düşüb. Bu il ölkədə enerji qiymətləri 131 saat mənfi qeydə alındığı halda, keçən il bu müddət cəmi 45 saat olub.
İngiltərə xüsusilə külək enerjisində əlini gücləndirib. Ölkədə dörd gündə ikinci rekord qoyulan investisiyaların özünü doğrultduğunu göstərir. Bundan əlavə, son dörd rübdə ölkədə ümumi elektrik enerjisinin yarıdan çoxunu bərpa olunan enerjinin istehsal etməsi uğuru vurğulayır.