Azərbaycanın sənaye zonalarında istehsal edilmiş avtomobillərin satışı 20% artıb

Bu ilin birinci yarısında Hacıqabul Sənaye Parkında 38 milyon manatlıq 1323 ədəd avtomobil, Neftçala Sənaye Məhəlləsində isə 3,2 milyon manatlıq 203 ədəd avtomobil satışı həyata keçirilib.

İndex.az İqtisadiyyat Nazirliyinin İqtisadi Zonaların İnkişafı Agentliyinə istinadən xəbər verir ki, avtomobil satışı ötən ilin müvafiq dövrü ilə müqayisədə təqribən 20 % artıb.

Sənaye zonalarında sözügedən dövrdə “Chevrolet”, “Isuzu”, “VGV”, “UAZ”, “Lada”, “Khazar” və s. markalı avtomobillər istehsal edilib.