“AzerGold” qızıl və gümüşün satışından 8 ildə 1,3 milyard manat gəlir əldə edib

Ötən 8 il ərzində “AzerGold” QSC qeyri-neft-qaz sektoru üzrə ixracatçı dövlət subyektləri sırasında ön pillələrdə qərarlaşmağa nail olub.

İndex.az “AzerGold”a istinadən xəbər verir ki, Səhmdar Cəmiyyət 441,326 unsiya qızıl, 919,244 unsiya gümüşün hasilatı, 437,730 unsiya qızıl, 889,709 unsiya qızıl və gümüşün yerli və beynəlxalq bazarlarda satışını həyata keçirib.

Bu satış əməliyyatları nəticəsində ölkə iqtisadiyyatına 1,274,094,914 manat vəsait cəlb edilib.

Qeyd edək ki, Azərbaycan Prezidenti İlham Əliyevin milli maraqlara söykənən effektiv iqtisadi siyasət kursu nəticəsində dağ-mədən sənayesinin qeyri-neft-qaz sektorunda payı gündən-günə daha da artır. Bu məqsədlə “AzerGold” dağ-mədən sənayesinin inkişafı ilə bağlı qarşıya qoyulan vəzifələrin uğurla icra edilməsinə çalışır. Sahənin tərəqqisinə xidmət edən dövlət şirkəti, həmçinin qiymətli metalların yerli və beynəlxalq bazarlarda realizəsi ilə ölkə iqtisadiyyatına töhfələri verməyə davam edir.