Kəmalə Alıyeva
Türkiyədə yanacağın sürətlə bahalaşması qardaş ölkədən gətirilən yüklərin daşıma xərcinin kəskin yüksəlməsinə səbəb olub.
Bu barədə FED.az-a «SG dogistics» nəqliyyat şirkətinin icraçı direktoru Hicran Novruzov bildirib.
Onun sözlərinə görə, əvvəllər Türkiyədə dizel yanacağının litri 6,8 – 7 lirə arasında dəyişirdisə, indi bu rəqəm 30 lirəyə yüksəlib. «Yanacağın qiyməti qiyməti yüksəlirsə, birmənalı olaraq maşın ehtiyat hissələri də təkərdən tutmuş, xidmtəə qədər artır».
Şirkət rəhbərinin sözlərinə görə, yanacaq və digər bahalaşmaya görə nəqliyyat haqqı 50%-ə yaxın bahalaşıb: «Əvvəllər Türkiyədənin İstanbul şəhərindən Bakıya yük avtomobili ilə daşınma 2 300 dollar idisə, bu gün artıq bu qiymət 3 600 dollardır. Çünki əvvəllər maşın yüklənirdisə və onun səfəri zamanı yanacaq sərfiyyatına 500 dollar xərclənirdisə, in6di bu rəqəm 1000 dolları keçir. Buna görə məcburən əmək haqqı və digər xidmətlər də bahalaşır».