Kəmalə Alıyeva
Nyu-York polisi Bruklində metroda yatarkən qadının yandırılması ilə bağlı bir nəfərin saxlanıldığını açıqlayıb.
İndex.az xəbər verir ki, Nyu-York Polis Departamenti (NYPD) bildirib ki, naməlum qadın bazar günü yerli vaxtla səhər saat 7:30-da “Coney Island-Stillwell Avenue” metro stansiyasında qatar vaqonunda olarkən naməlum şəxs ona yaxınlaşıb və paltarını yandırmaq üçün alışqandan istifadə edib.
Polis iki şəxsin əvvəllər bir-birini tanımadığını güman edir.
Metro stansiyasında növbəli patrul xidməti həyata keçirən polis əməkdaşları tüstü iyini izləyib və qadını vaqonun ortasında yanan vəziyyətdə aşkar ediblər. Yanğın söndürüldükdən sonra təcili tibbi yardım əməkdaşları qadının hadisə yerində öldüyünü müəyyən ediblər.
NYPD-nin məlumatına görə, şübhəli əvvəlcə hadisə yerini tərk etməyib və vaqonun kənarındakı platformada skamyada oturub.