“ChatGPT” istifadəçilərinin sayı açıqlandı

“OpenAI” tərəfindən 2022-ci ildə buraxılan “ChatGPT” ilə süni intellekt erası başladı.

İndex.az xəbər verir ki, “OpenAI”nin baş direktoru Sem Altman “The New York Times”ın “DealBook” sammitində məşhur süni intellekt aləti “ChatGPT”nin həftəlik istifadəçilərinin sayının 300 milyonu keçdiyini açıqlayıb.

Bundan əlavə, Altman istifadəçilərin süni intellekt vasitəsinə gündə 1 milyarddan çox mesaj göndərdiyini vurğuladı.

Məlum olduğu kimi, süni intellekt botu avqust ayında həftəlik 200 milyon istifadəçiyə çatmışdı. Başqa sözlə, məhsulun cəmi dörd ayda həftəlik 100 milyondan çox istifadəçi qazandığını söyləyə bilərik. Digər tərəfdən, müntəzəm olaraq əlavə edilən yeni xüsusiyyətlər və təkmil versiyalar sayəsində bu rəqəmlərin daha da artması gözlənilir.