"Fənərbağça"dan ayrıldıqdan sonra "Benfika" ilə anlaşmağa hazırlaşan Joze Mourinyo klubu haqqında ilk dəfə danışıb.

İndex.az xəbər verir ki, Portuqaliya mətbuatından "Record"a danışan Mourinyo prezident Ali Koçu tənqid edib.

"Klublardan çıxanda "qapını bağlayıram". Təxribatlara cavab vermirəm, bəhanə axtarmıram. Ali Koçun davranışı isə fərqlidir. Mən gedəndən sonra bu haqda dəfələrlə danışdı. Bizim mübarizəmizə son qoyan Kerem Aktürkoğlunun yalnız biz kənarlaşdırıldıqdan sonra transfer olunma səbəbini hələ də açıqlamayıb", - təcrübəli məşqçi deyib.

Böyük ölçüdə "Benfika" ilə razılığa gələn Mourinyo həmkarı Bruno Lage üçün isə yüksək qiymət verdi. "O, böyük bir məşqçidir və böyük bir oyunçu qrupu var və mən onu təbrik etdim. Mən ədalətli oyun modeli deyiləm, lakin onların qələbəyə layiq olduqlarını söyləmək asan deyildi".

Mourinyo "Benfika"ya keçid ehtimalı ilə bağlı suala isə belə cavab verib: ""Benfika"ya "yox" deyə bilən bir məşqçi varmı? Mən deyə bilmərəm".