Yaponiya Bankı iqtisadiyyatda canlanma olduğunu əsas gətirərək uçot dərəcələrini sabit saxlayıb.

İndex.az xəbər verir ki, Yaponiya Bankı son pul siyasəti iclasından sonra "benchmark" kredit dərəcəsi və gəlir əyrisinə nəzarət siyasətində heç bir dəyişiklik etməyib.

Mərkəzi bank uçot dərəcələrini -0,1% səviyyəsində saxlayıb və 10 illik Yaponiya dövlət istiqrazlarının gəlirliliyini sıfıra yaxın həddə qoyub.

İyul ayında keçirdiyi son siyasət iclasında Yaponiya Bankı uzunmüddətli uçot dərəcələrinin yüksələn inflyasiyaya uyğun olaraq daha çox hərəkət etməsinə imkan vermək üçün gəlir əyrisi nəzarətini azaldıb.