Səudiyyə Ərəbistanı Dövlət İnvestisiya Fondu İngiltərənin məşhur mağazalar şəbəkəsi "Selfridges" ilə tərəfdaş olub.

İndex.az xəbər verir ki, "Central Group"un e-poçt vasitəsi ilə yaydığı məlumata əsasən Səudiyyə Ərəbistanının İctimai İnvestisiya Fondu, "Selfridges" mağazalar şəbəkəsinin həm əmlakında, həm də biznesində 40% pay əldə edəcək.

"Central Group"un vençur tərəfdaşı olan iş adamı Rene Benkonun qurduğu daşınmaz əmlak və pərakəndə satış şirkəti "Signa"nın iflasından sonra bu tərəfdaşlıq baş tutub.

Bu onu göstərir ki, Səudiyyə Ərəbistanı Dövlət İnvestisiya Fondu "Signa"nın mağazalar şəbəkəsindəki bütün payını əldə etmək üçün məcburi bir müqavilə imzalayıb.

Qeyd edək ki, müqavilənin şərtləri açıqlanmayıb.