NASA Marsı araşdırmaq üçün göndərdiyi helikopterin videosunu paylaşıb.

İndex.az xəbər verir ki, NASA “İngenuity” helikopterinin qalxma anını və uçuşunu əks etdirən qısa video paylaşıb.

İngenuity helikopteri əslində NASA-nın fevral ayında Marsa endirdiyi “Perseverance” aparatının içərisində olub.

121 sm uzunluğunda və 1,8 kiloqram ağırlığında kiçik robot helikopteri yerə endikdən qısa müddət sonra səthə buraxılıb.

O vaxtdan bəri ümumilikdə 46 dəfə havaya qalxan Mars helikopterinin 47-ci uçuşu “Perseverance”nin kameralarına düşüb.

Yerdən maksimum 12 metr hündürlüyə qalxa və saatda 20 kilometr sürətə çata bilən “İngenuity”in havaya qalxmasını, geridə qoyduğu tozu və irəliləyişi videoda əks olunub.

NASA açıqlamasında videonu çəkən “Perseverance”in təxminən 120 metr uzaqda olduğunu, “İngenuity”nin isə 440 metr uçduğunu bildirir.

[video width="600" height="338" mp4="https://index.az/wp-content/uploads/2023/03/16032023121024548.mp4"][/video]