"Google" süni intellekt sahəsinə yatırım etməyə davam edir.

İndex.az xəbər verir ki, "Google"un baş direktoru Sundar Piçai qlobal süni intellekt təhsili üçün 120 milyon dollarlıq fond yaradıb.

BMT-nin Gələcək Sammitində çıxış edən Sundar Piçai süni intellekti indiyə qədər həyata keçirilən ən transformativ texnologiya kimi təsvir edib.

Piçai süni intellekt və davamlı inkişafın insanlar üçün yaratdığı dörd geniş imkanı diqqətə çatdırıb.

Bu imkanlara insanların öz dillərində məlumat əldə etmələrinə kömək etmək, elmi kəşfləri sürətləndirmək, iqlim fəlakətləri barədə xəbərdarlıq etmək və iqtisadi tərəqqiyə dəstək göstərmək daxildir.