ABŞ Ədliyyə Departamenti "Google"un onlayn axtarış bazarında monopoliyasını aradan qaldırmaq üçün şirkətin bəzi əməliyyatlarının satılmasını tələb edə bilər.

İndex.az xəbər verir ki, Ədliyyə Departamentinin bəyanatına görə, bu addımın məqsədi zərərləri tam şəkildə aradan qaldıraraq "Google"un axtarış bazarı üzərində nəzarətinə son qoymağı deyil, həm də "Google"un gələcək illərdə axtarış bazarına nəzarət etməsinin qarşısını almaqdır.

Ədliyyə Departamenti həmçinin "Google"dan axtarış və süni intellektlə işləyən axtarış funksiyaları üçün istifadə etdiyi indeksləri, məlumatları və modelləri rəqiblərinə təqdim etməsini tələb edən sorğunu nəzərdən keçirir.