ABŞ Federal Ehtiyat Sistemi (FED) ölkədəki bank şəraiti və FED-in nəzarət və tənzimləmə fəaliyyətləri ilə bağlı “Audit və Tənzimləmə Hesabatı”nın 2023-cü il may buraxılışını dərc edib.

İndex.az xəbər verir ki, FED hesabatda, son bank uğursuzluqlarının maliyyələşdirmə mənbələrinin bölüşdürülməsini və faiz risklərinin yanlış idarə olunduğunu ortaya çıxardığına diqqət çəkib.

Hesabatda ABŞ bank sisteminin güclü kapital və likvidlik ilə möhkəm və dayanıqlı olduğu vurğulanıb.

Ölkədəki 3 bankın müflisləşməsində fond mənbələrinin bölüşdürülməsinə və faiz risklərinin düzgün idarə edilmədiyinə diqqət çəkilən hesabatda, faiz dərəcələri artdıqca investisiya qiymətli kağızlarının dəyərinin əhəmiyyətli dərəcədə azaldığı xatırladılıb.

Hesabatda depozit xərclərinin səviyyəsinin yüksəldiyi, şirkətlərin öz maliyyə ehtiyaclarını ödəmək üçün borclanmaya üz tutduğu, bəzi kredit seqmentləri üzrə defolt dərəcələrinin son illərdə yüksəldiyi qeyd edilib.

Hesabatda bildirilib ki, FED nəzarətçiləri son bir il ərzində banklar üçün daha çətin iqtisadi mühitin yaranmasını gözlədiklərinə görə artıq hazırlaşmağa başlayıblar.