Çin Ticarət Nazirliyi Avropa İttifaqının Çin mənşəli elektrik avtomobillərinə tətbiq etdiyi tariflərlə bağlı dünya ticarət səhnəsində yeni gərginliyə başlayır.

İndex.az xəbər verir ki, Çin cümə axşamı günü Ümumdünya Ticarət Təşkilatına rəsmi şikayət ərizəsi yazaraq narahatlığını bildirdi.

Çin Ticarət Nazirliyindən verilən açıqlamada bu addımın Çinin xüsusilə elektrikli avtomobil sektorunda maraqlarını qorumaq məqsədi daşıdığı bildirilib.

Bu addımın yaşıl transformasiya üzrə qlobal əməkdaşlığı təşviq etmək səyi olduğu da vurğulanıb. Pekin rəhbərliyi qlobal ticarətdə baş verənləri yaxından izləyərkən, bu cür proteksionist təşəbbüslərə qarşı olduğunu bildirib.

Qeyd edək ki, Avropa İttifaqının ötən həftə qəbul etdiyi yekun qərara uyğun olaraq Çindən gətirilən elektriklə işləyən avtomobillərə 35,3% gömrük rüsumunun tətbiqi qərara alınıb. Bu qərar AB tərəfindən dərc edildikdən sonra qüvvəyə minib və Çinin sərt reaksiyasına səbəb olub.