Beynəlxalq Valyuta Fondunun (BVF) prezidenti Kristalina Georgiyeva Qətər İqtisadi Forumu zamanı verdiyi açıqlamada epidemiya və Rusiya-Ukrayna müharibəsi zamanı mərkəzi bankların atdığı addımları dəyərləndirib.

İndex.az xəbər verir ki, BVF-nin prezidenti Kristalina Georgiyeva bildirib ki, faiz dərəcələrini aşağı salmaq hələ tezdir və bu addımları 2025-ci ildə gözləmək olar.

Mərkəzi bankların koordinasiyalı şəkildə qətiyyətlə hərəkət etdiyini vurğulayan Georgieva, bunun sürətlə yüksələn inflyasiyanın azalmasına səbəb olduğunu söylədi.

Georgiyeva bildirib ki, inflyasiyadan fərqli olaraq, davamlı ərzaq qiymətləri səbəbiylə baza inflyasiyasında real azalma olmadığından, Mərkəzi Banklar faiz dərəcələrində erkən bir addım atsalar, inflyasiya iqtisadi böyümə üçün problem olaraq qalacaq.