Rusiyanın almaz nəhəngi "Alrosa" qiymətlərin sürətli enişindən sonra gözlənilməz addım ataraq satışlarını noyabr ayına qədər dayandırmaq qərarına gəlib.

İndex.az xəbər verir ki, "Alrosa" müştərilərə göndərdiyi qeyddə sentyabr və oktyabr aylarında almazların satışını müvəqqəti dayandırdığını bildirib.

Şirkət bu addımın son vaxtlar ortaya çıxan tələb və təklif uyğunsuzluğunu aradan qaldıracağına inandığını bildirib.

İstehlakçılar pandemiya və iqtisadi çətinliklərdən sonra dəbdəbəli xərcləri azaltdıqdan sonra yenidən səyahət və təcrübələrə pul xərcləməyə başladığı üçün brilyantlara tələbat ümumilikdə zəifləyib.