Sərvəti 206 milyard dolları keçdi – Dünyanın ən varlı ikincisi oldu

“Meta” şirkətinin təsisçisi və rəhbəri Mark Zukerberq dünyanın ən zəngin ikinci adamı olub.

İndex.az xəbər verir ki, bu barədə “Bloomberg” məlumat yayıb.

Məlumata görə, Zukerberqin sərvəti 206,2 milyard dollara çatıb. Beləliklə, o, “Amazon”un qurucusu Ceff Bezosu (205,1 milyard dollar) qabaqlayıb.

Mark Zukerberqin sərvəti hazırda dünyanın ən zəngin adamı İlon Maskın sərvətindən (256 milyard dollar) təxminən 50 milyard dollar azdır.

Bildirilir ki, Zukerberqin sərvəti bu ilin əvvəlindən bəri 78 milyard dollar artıb.

Qeyd edək ki, “Forbes” reytinqində isə Zukerberq Maskdan və Ellisondan sonra üçüncü yerdədir.