Kəmalə Alıyeva
Cənubi Afrikada ötən həftə sonu ölkənin sahilyanı rayonlarına təsir edən qar fırtınası iki nəfərin ölümünə səbəb olub.
İndex.az xəbər verir ki, bazar ertəsi günü yağış səbəbindən bəzi magistral yollar bağlanıb.
Dəniz sahilindəki Durban şəhərinə aparan N3 magistral yolunda güclü qar yağışı nəticəsində iki nəfərin avtomobillərində sıxışaraq hipotermiyadan öldüyü güman edilir.
KwZulu-Natal və Free State əyalətləri fırtınadan ən çox zərər çəkmiş ərazilər olub və səlahiyyətlilər qar əriməyə başladığı üçün bəzi bölgələrdə daşqınların baş verə biləcəyi barədə xəbərdarlıq edib. Bir çox fermerin məhsulu isə qar altında qalıb.
Ekipajlar qarda qalan onlarla yük maşını və digər maşınları çəkərkən, digərləri saatlarla yolda qalan sürücülərə yemək və isti içkilər paylayıb.
Sürücülərə yol işlərinin davam etdiyi ərazilərdə diqqətli olmaları barədə xəbərdarlıq edilib.