Türkiyədə süni intellektli insanabənzər robot hazırlanıb

Türkiyə də insanabənzər robotlar sahəsindəki inkişaf və tendensiyalara qatıldı.

İndex.az xəbər verir ki, “Bursa Texniki Universiteti”ndə “Moria” adlı süni intellekt dəstəkli insanabənzər robotun istehsal edildiyi bildirilib.

“Bursa Texniki Universiteti” Robot Texnologiyaları və Ağıllı Sistemlər Tətbiq və Araşdırma Mərkəzində süni intellektlə dəstəklənən “Humanoid Sosial Robot” layihəsinə start verilib.

Layihə koordinatoru Mekatronik Mühəndisliyi Bölümündən Dr. Nurettin Gökhan Adar və köməkçi tədqiqatçı Dr. Mustafa Özden tərəfindən hazırlanmış robotun dizaynı, istehsalı və proqram iş paketləri üçün Mexatronika, Elektrik-Elektronika və Maşınqayırma fakültələrinin bakalavr və magistr tələbələrindən ibarət bir qrup yaradılıb.