Kəmalə Alıyeva
BMW krossover seqmentində dəyişiklik etmək qərarına gəlib və X4 modelinin istehsalını dayandırır.
İndex.az xəbər verir ki, İtaliyadan gələn məlumatlara görə, bu qəribə dizaynlı krossoverin üçüncü nəsli olmayacaq. İtaliya mediası X3-ün təqdimatında BMW rəsmiləri ilə danışıb və yeni X4-ün olmayacağını təsdiqləyib.
Şayiələrə görə, X4 krossover modeli dayandırılsa da, BMW bu seqmentdən tamamilə imtina etməyəcək.
Tam elektrik modeli olan iX4-ün 2027-ci ildə satışa çıxarılacağı bildirilir. Onun kupe-krossover kuzov stilini saxlayıb-saxlamayacağı hələlik bəlli deyil, lakin X4-ün akkumulyatorlu elektrik avtomobili kimi təklif edilməsi müştəriləri cəlb edə bilər.