Kəmalə Alıyeva
Dünyanın ən çox izlənən futbol klublarından biri olan “Real Madrid” ötən axşam tarixin ən böyük transferlərindən birini həyata keçirib.
İndex.az xəbər verir ki, dünyaca məşhur futbolçu Mbappe rəsmi olaraq “Real Madrid”ə keçib.
Lakin bu transfer sosial mediada kifayət qədər diqqət çəkməyib. Ən azından “Real Madrid”in bəyəndiyi rəqəmlər bunu göstərir. Çünki “Real Madrid”in futbolçusu Arda Gülərin transfer elanı klubun rəsmi X hesabında daha çox bəyənmə toplayıb.
Arda Gülərin transfer xəbəri 901 min bəyənmə toplayıb. Mbappenin transfer xəbəri isə 873 min bəyənmə toplayıb.
Arda Gülərin paylaşımı xüsusilə türk futbolsevərlər tərəfindən bəyənilib. Hətta futbolla heç bir əlaqəsi olmayanlar da bu uğuru dəyərləndirmək üçün şərhlər yazıblar. Mbappe transferi ancaq “Real Madrid” azarkeşləri tərəfindən bəyənilib. Bəyənmə sayındakı fərqin əsas səbəbi budur.