![İsveçrə Aİ-nin Rusiyaya qarşı 13-cü sanksiyalar paketinə qoşulub](https://index.az/wp-content/uploads/2023/05/avro-1.jpg)
İsveçrə Avropa İttifaqının (Aİ) Rusiyanın Ukraynaya genişmiqyaslı hərbi müdaxiləsinə cavab olaraq qəbul etdiyi 13-cü sanksiya paketinə qoşulub.
Bu barədə İsveçrə hökuməti – Federal Şura məlumat yayıb.
“29 fevral 2024-cü il tarixində sanksiyalara cavabdeh olan Federal İqtisadiyyat, Təhsil və Tədqiqatlar Departamenti Rusiyaya qarşı yeni tədbirlər görüb. Beləliklə, İsveçrə Aİ-nin 13-cü sanksiyalar paketinə qoşulub”, – məlumatda diqqətə çatdırılıb.
Məhdudlaşdırıcı tədbirlər martın 1-də yerli vaxtla saat 18:00-dan qüvvəyə minib.
Xatırladaq ki, fevralın 21-də Aİ Rusiyaya qarşı 13-cü sanksiyalar paketini təsdiqləyib.
Qeyd edək ki, İsveçrə şirkətləri Ermənistan vasitəsilə Rusiyaya qarşı sanksiyalardan yayınmaqda şübhəli bilinirlər.