Avropada qazın qiyməti 460 dolları keçib

Ötən gün keçirilən hərracların bağlanışında Avropada qazın 1 000 kubmetrinin qiyməti 460 ABŞ dollarından yuxarı səviyyədə qərarlaşıb.

İndex.az xəbər verir ki, 24 mart tarixində aprel fyuçerslərinin qiyməti TTF (Niderlandın “Title Transfer Facility”i – Avropanın ən likvid virtual satış mərkəzi) indeksi üzrə 460,5 dollar təşkil edib, bu da öncəki hesablama qiyməti (486,7 dollar) ilə müqayisədə 5,4% azdır.

Xatırladaq ki, ötən ilin 7 mart tarixində gün ərzində Avropada qazın qiyməti bir neçə dəfə rekord vuraraq maksimum 3 900 dollaradək yüksəlib.