“Angry Birds” oyunu “Google Play”dən silinir

Oyunun tərtibatçısı “Rovio Entertainment” öz “Twitter” hesabında bütün “Angry Birds” pərəstişkarlarına mühüm xəbərdarlıq etdi. 23 fevral 2023-cü ildə “Angry Birds”in klassik versiyası “Google Play” mağazasından silinəcək.

2009-cu ildə buraxılan oyunu artıq “Android” smartfonlarına quraşdırmaq mümkün deyil. Bununla belə, oyunu artıq quraşdırmış istifadəçilər oyunun ilk versiyasından həzz almağa davam edə biləcəklər. Şirkət hesab edir ki, “Rovio Classics: Angry Birds” yeni layihələrin populyarlığına mənfi təsir edib və qərar da bunun nəticəsidir.

“Apple” istifadəçiləri isə daha şanslıdırlar. Tərtibatçı “Rovio Classics: Angry Birds” adını “Red’s First Flight” adlandıracaq və oyun “App Store”da yeni adla qalacaq. Ancaq qarşıdakı dövrlərdə oyunun “App Store”dan silinməsi mümkündür.