Kəmalə Alıyeva
Çində yerləşən batareya istehsalçısı “Betavolt”, BV100 adlı sikkə ölçülü nüvə batareyasının kütləvi istehsalına başladı.
İndex.az xəbər verir ki, bu batareya 50 illik xidmət müddəti vəd edir və şarj tələb etmədən fasiləsiz enerji təmin edə bilir.
Batareyanın nüvəsi cəmi iki mikron qalınlığında olan nikel-63 təbəqəsindən ibarətdir və iki almaz yarımkeçirici lövhə arasında sıxışdırılıb. Bu struktur 5 mm-lik akkumulyatora 3 voltda 100 mikrovat gücü təmin etməyə imkan verir.
Hazırda bu batareya smartfon və ya noutbuk kimi yüksək enerji tələb edən cihazlar üçün kifayət etmir. Bununla belə, Betavolt 2025-ci ildə 1 vatt gücə malik daha güclü versiyanı təqdim edəcəyini açıqladı.
Deyə bilərik ki, BV100-ün ən əhəmiyyətli xüsusiyyəti ənənəvi litium-ion batareyalara nisbətən 10 qat daha çox enerji sıxlığına sahib olmasıdır. Beləliklə, kimyəvi batareyalarda olduğu kimi zamanla öz-özünə boşalmır və həddindən artıq temperatur dəyişikliklərindən təsirlənmir.
Mənfi 60°C ilə +120°C arasında rəvan işləyə bilən BV100 yanğın və ya partlayış təhlükəsi yaratmır. Bundan əlavə, onun ətraf mühitə təsiri minimaldır; Akkumulyatordakı nikel-63 zamanla sabit misə çevrildiyi üçün təhlükəli radioaktiv tullantılar əmələ gətirmir. Bu, onu ənənəvi nüvə batareyalarından daha təhlükəsiz edir.
“Betavolt”un BV100 batareyası və gələcəkdə buraxılacaq daha güclü versiyaları; Dronlar, süni intellekt sistemləri, tibbi cihazlar, mikro robotlar və kosmik texnologiyalar kimi bir çox sahədə istifadə ediləcəyi gözlənilir.