Avrozonada işsizlik fevralda gözlənilmədən 6,1%-ə düşdü

Fevralda Avrozonada işsizlik yanvardakı 6,2%-dən 6,1%-ə düşüb.

Bu barədə İndex.az Avropa İttifaqının statistika idarəsi “Eurostat”a istinadən məlumat verib.

Bu, hesablamaların aparıldığı dövr ərzində minimum göstəricidir.

“Trading Economics”in məlumatlarına görə, analitiklər orta hesabla işsizliyin yanvar səviyyəsində qalacağını gözləyirdilər. 2024-cü ilin fevralında işsizlik 6,5% təşkil edib.

Regionda işsizlərin sayı keçən ayın əvvəlində yanvarla müqayisədə 70 min nəfər azalaraq 10,58 milyon nəfərə düşüb. Gənclər arasında (25 yaşadək əhali) işsizlik səviyyəsi yanvardakı 14,1%-dən 14,2%-ə yüksəlib.

Avrozonada ən böyük dövlətlər arasında ən aşağı işsizlik səviyyəsi Almaniyada (3,5%), ən yüksək isə İspaniyada (10,4%) qeydə alınıb.

Ümumiyyətlə, Avropa İttifaqında işsizlik fevralda əvvəlki aydakı 5,8%-ə qarşı 5,7% təşkil edib. 2024-cü ilin fevralında bu göstərici 6,1% səviyyəsində olub.