Kəmalə Alıyeva
Süni intellekt aləti “ChatGPT”nin tərtibatçısı “OpenAI” tərəfindən verilən açıqlamada, şirkətin süni intellektin (AI-AI) daha da inkişafı üçün 300 milyard dollar dəyərində 40 milyard dollarlıq yeni maliyyə təmin etdiyi qeyd edildi.
İndex.az xəbər verir ki, “OpenAI” 2024-cü ilin oktyabrında 157 milyard dollar dəyərində 6,6 milyard dollar topladığı əvvəlki maliyyələşdirmə dövriyyəsinin dəyərini iki dəfə artırdı. Eyni zamanda, 40 milyard dollar dəyərində yeni fond rekord səviyyəyə çatmış ən böyük özəl texnologiya maliyyələşdirmə raundu idi.
300 milyard dollar dəyərində qiymətləndirmə “OpenAI”ni dünyanın ən yüksək qiymətləndirilən özəl şirkətləri sırasına daxil edir.
Maliyyələşdirmə raunduna vençur kapitalı firması texnologiya investoru “SoftBank” rəhbərlik etmişdir. “Microsoft”, aktiv menecerləri Coatue, Altimeter və Thrive da investorlar arasında idi.
Süni intellekt sahəsində texnoloji liderlik üçün başda ABŞ və Çin olmaqla bir çox şirkətlə rəqabət aparan “OpenAI”, 22 yanvarda süni intellekt infrastrukturunu inkişaf etdirmək üçün “Stargate” adlı 500 milyard dollarlıq özəl sektor investisiya layihəsində də iştirak edəcək.