Bayram günlərində paytaxtdan bölgələrə və əks istiqamətə nə qədər sərnişin daşınıb?

Bayram günlərində, martın 19-u 31-də Bakıdan bölgələrə və əks istiqamətə 130 000-ə yaxın sərnişin daşınıb

İndex.az Rəqəmsal İnkişaf və Nəqliyyat Nazirliyi (RİNN) yanında Azərbaycan Yerüstü Nəqliyyat Agentliyinə (AYNA) istinadən xəbər verir ki, gücləndirilmiş iş rejimi ərzində paytaxtdan bölgələrə və əks istiqamətə 7 386 reys həyata keçirilib, 130 000-ə yaxın sərnişin rahat və təhlükəsiz şəkildə mənzil başına çatdırılıb. Bu, son illərin rekord göstəricisidir.

Adi günlərlə müqayisədə sərnişin tələbatını qarşılamaq üçün əlavə olaraq 300-dən çox reys həyata keçirilib. Biletlər avtovağzalın kassalarından, eləcə də “biletim.az” portalı vasitəsilə onlayn qaydada sərnişinlərə təqdim edilib.

Qeyd edək ki, 19-20 mart tarixlərində sərnişinlərin 48 %-i biletlərini onlayn qaydada “biletim.az” portalından əldə edib. Digər günlərdə bu göstərici 25-30 % təşkil edib. Bakıdan bölgələrə və əks istiqamətdə daşınan sərnişinlərin tələbatı tam qarşılanıb.